Бағаналы

БАҒАНАЛЫ Қазақ халқының құрамындағы ру. Шежіре бойынша, Орта жүздегі Найман тайпасынан таратылады. Кейбір деректер Бағаналыны дербес рулар бірлестігіне жатқызған. Бағаналыдан Шегедек, Шегелек, Шүрешек, Шәуешек аталары тарайды. Бағаналы және Балталы рулары көне заманнан іргесін бөлмей келгенін Қозы Көрпеш Баян сұлу жырынан да аңғаруға болады. Жоңғар шапқыншылығы заманында Бағаналыдан Тұрсыметбай, Баянбай батырлар шыққан. Бағаналы руы Жезқазған, Қызылорда өңірлерін қоныстанған. Ұраны Қаптағай, таңбасы бақан.