Перейти к содержимому 
Слова: Кыялбек Урманбетов
Музыка: Андрей Догай
Кызматта өтөт көбү күндүн,
Баркына элдин жетер ким?
Кымбатын сезгин өмүрүңдүн,
Байлыгы сенсиң Мекендин!
Ар түркүн улут
Алтындай уюп…
Тагдырды коштук, төгүлбөйлү,
Таалайын табат издеген.
Бек болсун достук, бөлүнбөйлү,
Кыргызстан бүтүн биз менен.
Тагдырды коштук,
Бек болсун достук!
Ырысы артсын кыргызымдын,
Ынтымак жолун бекемде.
Эркелеп өскөн уул-кызыңдын
Эртеңи ушул Мекенде!..
Жерим, көз арбаган көркү кандай,
Элим, тагдыр күтүп бир туугандай,
Бийик Ала-Тоодой болгун дайым,
Терең Ысык-Көлдөй толкундайын.
Мейкиндик жерге,
Бейпилдик элге!
Боорубуз бирге,
Жолубуз бирге.
