Сөзі: Б.Ауданбаев
Әні: Е.Серікбаев
1. Әндерін салып ұшып аққулар жеткенде
Құлпырған ару көктемде
Жүректі жарып ұшып сезімдер өткенде
Ойладың ба мені?
Балауса балғын шөбі жайқалған бөктерге
Күн нұрын шашып төккенде
Самалдың салқын лебі бетіңнен өпкенде
Ойладың ба мені?
Chorus
Көңілсіз кештерде ойладың ба мені
Ойлардың шырмалған орамында
Көп жылдар өтсе де ойладың ба мені
Ойладың ба мені
Ойладың ба
2.Жарқырап жарық жұлдыз аспанда жанғанда
Көз ілмей күткен таңдарда
Жабырқап жаның жалғыз кейде бір қалғанда
Ойладың ба мені?
Кемері көлдей тасып ақ жауын жауғанда
Ағаштар бүршік жарғанда
Мөлдіреп мөлдір тамшы жанардан тамғанда
Ойладың ба мені?
