Перейти к содержимому 
Men doʻstga doʻstman,
Dushmanga — dushman.
Ikkiyuzlik yoʻq,
Yurmayman koʻnglingni xushlab.
Yolgʻonni ushlab,
Gapirma izimdan mishmishlar.
Men doʻstga doʻstman,
Dushmanga — dushman.
Ketganing unut, sen uchun tushman,
Adolat izidan uchgan qushman,
Musiqadan sarhushman.
Menda doim hammasi zoʻr,
Koʻrolmasang, jim chida bazoʻr.
Gʻiybat, tuhmat qilgan bezor,
Doʻstim deganlari — kazzob.
Oʻzim bilaman oʻtmishim,
Yengil qilmagansan tashvishim.
Bir Yaratgan bilan kechmishim,
Nima qilishim, nima deyishim — mening ishim.
Berma koʻp savol,
Hayot oʻzi bir savol.
Topaylik davo,
Gʻiybat emas dardga davo. (4x)
Hayot — bu kamon, bor nishonim,
Maslahat qiziqmasdi, ishon.
Men — bu men, koʻrsatma misol,
Boʻlay men orzuyim timsoli.
Yugurmadim tez toʻyga chiqay deb,
Birovning mehnati bilan yashay deb.
Orzu, harakat, oʻzim boʻlay deb,
Million sahnaga loyiq turay deb.
Men uchun pul muhimmas,
Men uchun ism muhim.
Koʻringanlari — nomim uchun,
Uyda, koʻchada obroʻ uchun.
Zulmatsiz rangli yashash uchun,
Yoʻlga chiqildimi, marra muhim.
Shu yoʻl bilan qiziq bu kunim,
Oʻxshamas, mayli, oʻzim uchun.
Yolgʻizman, bu tun men yolgʻizman,
Oy — hamrohim, yulduzman.
Oʻtmishimdan koʻz uzmam,
Sevgi daryosida suzmam. (2x)
Bir doʻstim bor — koʻraman oynada,
Koʻngil qoʻyganim oʻzganing qoʻynida.
Boylar — boylarga, soy — bechoraga,
Sevgi, oqibat qogʻoz soʻragan.
Gunohim, savobim oʻzimga qolsin,
Savolga javobni bir Egam olsin.
Gʻiybatni kam qil, jagʻing dam olsin,
Umringda oʻzing uchun vaqt qolsin.
Berma koʻp savol,
Hayot oʻzi bir savol.
Topaylik davo,
Gʻiybat emas dardga davo.
Yolgʻizman, bu tun men yolgʻizman,
Oy — hamrohim, yulduzman.
Oʻtmishimdan koʻz uzmam,
Sevgi daryosida suzmam.
