Айдос Кәден (Қойшы бала) – Жалғызымсын ТЕКСТ

Әні: Сталбек Бақтығұлов
Сөзі: Мұхтар Жақсылық

1)
Көрдің бе арайлы таң атқанын,
Әлемге шуақ-нұр таратқанын,
…сол менің асығып саған қарай,
Жарықпен жарысып баратқаным.

2)
Ақтардым өткен күн парақтарын,
Білмеппін сөзімде ағат барын.
Ант беріп қойыппын “ұмытам” деп,
Кешірші антымнан тағы аттадым.

қ-сы
Жалғызымсың, жалғызыңмын,
Аяулымсың алқызыл гүл.
Сен мені түсінген жалғызымсың.

3)
Атына заты да сай адамым,
Келеді тек сені аялағым.
Қайтайық жүр жаным қол ұстасып,
Аралап махаббат саябағын.

4)
Сезімнің жалынды сәлемісің,
Ғажайып ертегі әлемісің.
Сыйлар ем мен саған бір құшақ гүл,
Сен бірақ гүлден де әдемісің.

қ-сы
Жалғызымсың, жалғызыңмын,
Аяулымсың алқызыл гүл.
Сен мені түсінген жалғызымсың.

“Махаббат жоқ”- деген заң бұзылсын!