Алматым менің
Алматымда тұр алаулап,
Алтын нұры айдың.
Жүрдің бе сен тамашалап,
Көшесінде Абайдың.
Chorus:
Алматымның бағы қандай,
Алмасының дәмі балдай.
Алма дидар арулар,
Қыз Жібек пен Баяндай.
Көктөбеде ақ отау бар,
Саясында Арман.
Бұлттан асқан Алатау бар,
Мұз бен гүлден жаралған.
Chorus:
Алматының кеші қандай,
Алатаудың төсі қандай
Күн қала бұл, Ай қала,
Аймала жел, аймала.
Chorus:
Өстім сенде жарқын таңда,
Жастық отын жағып.
Мен есейіп марқайсам да,
Сен өсе бер жасарып.
