Перейти к содержимому 
Сөзү, обону Сыймык Бейшекеевдики
Жаз белгиси кызгалдак,
Ай, ыргалат.
Жазгы желге жылмаят,
Ай, нурданат.
Махабаттын дастаны,
Ай, ырлары,
Бүгүн даңктап ырдалат,
Ырдалат махабат.
Кайырма:
Кызгалдактуу талаалар,
Кызык сүйүү жаралар.
Кол кармашып ал жаштар,
Гүлдүү шалбаа аралаар.
Аңкыган жаз илеби,
Ай, билеби?
Ал — өмүрдүн тиреги,
Ай, тилеги.
Махабаттын ырлары,
Ай, сырлары.
Жашыл жазбы себеби,
Себебин билели.
Сүйүү ыры ырдалат,
Ай, кызгалдак.
Жүзүбүздөн нур тамат,
Ай, кызгалдак.
Бата берип сүйүүгө,
Ай, күнүгө.
Бакыт себет кызгалдак,
Кызгалдак нурданат
