Перейти к содержимому 
Әні: Гауһар Әлімбекова
Сөзі: Оңалбай Еспанов
Жанардан жауқазын-нұр өсіп пәк,
Тартты ғой түбіне тұнық бір мұң,
Жүректер байқаусыз тілдесіп,
Тірлікті бір сәтке ұмыттырды.
Нұр сеуіп шапағат, шапағат
Оралшы, махаббат, оралшы, махаббат,
Оралшы маған, махаббат!
А-а-а-а-а-ай, жастық гүлім-ай.
Не болса, соған алданғыш жаным,
Ләззатқа мас болып ұйып қалдым.
Білмеймін содан соң не болғанын,
Сол сәтте мәңгілік сүйіп қалдым.
Нұр сеуіп шапағат, шапағат
Оралшы, махаббат, оралшы, махаббат,
Оралшы маған, махаббат!
А-а-а-а-а-ай, жастық гүлім-ай.
Сырымды жеткізіп айтар едім,
Өтті ғой сол бір сәт тез білінбей.
Сәтімді қайтаршы қайта менің,
Жер-Ана жасарған мезгіліндей.
Нұр сеуіп шапағат, шапағат
Оралшы, махаббат, оралшы, махаббат,
Оралшы маған, махаббат!
А-а-а-а-а-ай, жастық гүлім-ай.
