Перейти к содержимому 
Бүгін біз сұлулық зертханасында крем, лосьондарды дұрыс жағу үдерістерін қарастырамыз.
Кез-келген әйел өзінің бет терисі қандай тері типіне жататынын анық біледі.
Ең бастысы, сіз крем жаққанда теріні созып алмау жағын ойластырғаныңыз жөн. Әйтпесе, әжим түсу қаупіне өзіңіз-ақ жол бересіз.
Крем жағып жатқанда, асығыс қимылдарға жол бермеңіз. Әрине бұл үдеріс Сіздің бос уақытыңызды шығындайды. Бірақ оның болашақта берер пайдасы да мол. Ол – Сіздің төзімділігіңіз бен өзіңізді өзіңіз жақсы көрудің нәтижесі болмақ.
Сонымен, крем жақпас бұрын бет теріңізді жылы сумен немесе тониктің көмегімен тазартып алыңыз. Содан кейін кремді аздап сығып алып мына ереже бойынша теріңізге жаға бастаңыз:
кеңірдектен иекке қарай
иектің астынан құлақтың астына қарай
мұрыннан құлақтың ортасына қарай
мұрын үстімен маңдайға қарай
маңдайдың ортасынан шекеге қарай
Жағып болғаннан кейін саусақтың ұшымен (ақырын ғана) ұрғылап, кремді теріге сіңіріңіз.
Көз жанындағы терінің өте сезімтал екендігін есіңізден шығармаңыз. Ең бастысы, крем жағып тұрып, теріңіздің созылуына жол бермеңіз.
Әрине, кез-келген процедураны бастамас бұрын бет терісін әбден тазартып алуды ұмытпағаныңыз жөн.
