Перейти к содержимому 
Қолдарымнан келер ме екен,
Нелер жақын, нелер бөтен,
Ара жігін ажырата алмай келем.
Сенсіз өмір қиын екен,
Қадіріңді біліп өтем,
Бәрі жақсы болатынына сенем.
Мені күнде уайымдайсың сен жылап,
Көздеріңнен ақпасыншы тамшылар.
Сондай жаман адаммын мен кінәлі,
Жүрегімнен шыққан бұл да ән шығар.
Құс жолындай көрінбейтін,
Арада бар сенім дейтін,
Бұлт артынан күн шығарына сенем.
Жылап алсаң жеңілдейтін,
Сондай аппақ көңіл дейтін,
Бір боламыз деген үмітпен келем.
