Кетпе/Ketpe

Развлекательный портал

Наурыз бата

Наурыз бата

Дәулетті бас берсін,
Бақытты ас берсін.
Ұлыстың ұлы күнінде
Ұлың оңға қонсын,
Қызың қырға қонсын.
Қыруар қалың өріске толсын.
Әумин.

***

Үлкенің мен жасыңа
Береке қонсын басыңа!
“Наурызға” келген халайық.
Жамбылдың жеткін жасына.
Ырыс, дәулет мол болсын,
Жылда осындай той болсын.

Мейрамды енді бастайық,
Ал, қанекей, жол болсын!
Әумин.

***

Жаңа жылға жете берейік,
Жақсы адам боп өте берейік.
Өміріміздің ақырына шейін
Осы бағытпен кете берейік!
Жамбылдың жасын берсін,
Махамбеттің тілін берсін,
Құрманғазының күйін берсін!
Ыбырайдың күрегін берсін,
Гагариннің жүрегін берсін!
Әумин.

***

Күніміз ұлысты болсын,
Жеріміз ырысты болсын.
Өрісіміз малға бай, дүбірлі болсын.
Келіндеріміз жанға бай,
үбірлі-шүбірлі болсын.
Ер жігіттің ту етер ар тұрағы болсын.
Қанат беріп түлетер арғымағы болсын.
Әумин.

***

Құдай жарылқасын,
Бай қылсын!
Бақ қарасын!
Қыдыр дарысын!
Аруақ жебесін!
Дастарқанға береке берсін!
Кең пейіл берсін,
Ұзақ өмір берсін!
От айнала бас берсін,
Өріс толы мал берсін!
Айдан аман сақта,
Жылдан есен сақта!
Жүз бір қатерден сақта,
Мың бір пәледен сақта!
Аузы қанды бөріден сақта!
Қолы қанды ұрыдан сақта!
Күле кіріп,
күңірене шыққаннан сақта!
Ізет, абырой, бақ-дәулет
Риза несібең арта берсін!
Әумин.

***

Өркенің өссін,
Өрісің кеңейсін.
Ат жалын тартып мініп,
Халқыңның қамын жегейсің.
Тілеуіңді беріп,
Бағыңды ашсын,
Айналып келіп ай мен жыл,
Аман-есен көруге жазсын!
Тәңірім жаздай берсін,
Жаздай берсе, жазылып
Көкірегіңде иман оты маздай берсін.
Күздей берсе, құтайып
Риздығын маңдай термен іздей берсін.
Тәңірім қыстай берсін,
Қыстай берсе, қысылмай
Ынсаппен тізгіннен тең ұстай берсін,
Тәңірім көктемдей берсін,
Көктемде көктей өніп,
Талабың көкке өрлей берсін!
Әумин.

***

Жаңа жыл бақыт,
Малың тоқ,
Уайым-қайғың жоқ болсын.
Көген толы қозы,
Желі толы құлын болсын.
Малың базарлы
Ұлың назарлы,
Қызың ажарлы болсын!
Әумин.

***

Әуелі, құдай оңдай көр,
Оң жолыңа бастай көр,
Адасса жолға сала көр,
Сүрінсе қолдап ала көр!
Кездессе шайтан қаға көр,
Жұлдыздармен жалғастыр.
Жақсылармен жанастыр,
Жамандардан адастыр!
Әумин.

тилектер,тілектер,казакша,куттыктаулар,құттықтаулар,қазақша,наурыз думан,наурызга бата,наурыз мейрамына олендер,наурыз мейрамына өлеңдер,олендер,өлеңдер,тақпақтар,дакпактар,такпактар,дақпақтар,наурызга,наурызға,тілектер,тілек,тилектер
4 12 голоса
Рейтинг поста
Поделиться:
Подписаться
Уведомить о
guest
0 Комментарии
Межтекстовые Отзывы
Посмотреть все комментарии

Наверное, вы не раз хотели узнать свою родословную или петь родные песни, или быть может даже, по вам плачет большая сцена? Или же вы любите ходить по гостям, тогда вы здесь найдете поздравления, которое вам поможет сказать тосты без запинания. Гороскоп на каждый день, молитвы, сонник и казахская история. Вам всегда хотелось исполнить от души музыкальные композиции популярных певцов, но из-за незнания текстов этих песен вы испытываете неудобства? А может, вы входите в большое число любителей караоке? Или же вам часто хочется петь, но не всегда имеется возможность вырваться в караоке клуб?