Перейти к содержимому 
Разбек қажының батасы
Дүниеде кем болмайды баталы құл,
Шашайын батаменен жемісті гүл.
Қосылған теңін тауып балалардың
Әуелі жасын ұзақ бақытты қыл.
Қаптаған қара ормандай шоғырлы қыл,
Әр іске асықпайтын сабырлы қыл.
Алдында ақсақалдың абыройлы
Өзінен кейінгіге кадірлі қыл.
Сөйлесе, айтар сөзін жүйелі қыл,
Қалдырмай қатарынан киелі кыл.
Тілегін екі жастың қабыл етіп,
Ат мініп, жүгін артар түйелі қыл.
