Қаратоқай

Қаратоқай Кіші жүздегі Беріш руының бір тармағы, әрі батыр, әрі би болған. Беріш тұқымдарының бірліктігінде – Себекті аға тұтып, жол берген, ал Қаратоқайды Беріштің сауыры деген. Бұны қалай түсінуге болады? Жалпы аттың сауыры күш түсетін мықты жері, қиналғанда сауырдан қамшылайды, жаугершілікте біреуді өлімнен құтқара қалса, атының артына, сауырына мінгестіреді. Бұл шапқыншылық, ел басына екі талай күн туған, аласапыран кезеңдерде Қаратоқай батырларының ерен ерлігін, ауыртпалықты өз мойындарына алатындығынын сөз болса керек. Балалары: Андағұл-Байқожа-Айтқожа-Саназар-Қошетер.