Кешкі макияж

Көктем келді. Мектеп бітіру, арнаулы немесе жоғары оқу орнын бітіру кешінің қарсаңына аз уақыт қалды. Бұл кеште әрбір қыз өзінше ерекше болғысы келеді. Сондықтан мектеп, колледж, университет бітіруші бойжеткендерге арнап кешкі бет бояуының бірнеше ережесін ұсынамыз.

Nude макияж – нәзік, романтикалық бейне. Қарапайым шаш үлгісінің көмегімен бетіңіз мүмкіндігінше ашық көрінеді. Макияждың бұл түрінде мінсіз таза теріге назар аударылады. Ашық тень мен көлемді кірпік сүрмесі сіздің көзқарасыңызға ерекше сән береді. Ал сенің мерекелік бейнеңді көйлегің түстес сырға толықтыра түсері сөзсіз.

Тональды кремді бетіңіздің орта тұсынан шет жақтарына қарай мұқият жақ.

Тегістеуішпен (корректор) көзіңнің асты мен үстіңгі қабағыңды жағып шықсаң тендер ұзақ тұрады. Үстіңгі қабағыңа ашық сұр тень жағып, кірпігіңізді боя.

Ерніңді айналдырып сызып, солғын қызғылт жылтыр далап жақ.

Smoky eyes макияжы – әсерлі, әрі құпия бейне. Ажарлы бұйра шаштарға көрік береді. Қоңыр сұр классикалық гаммалардың арқасында назар көзге аударылады. Бейнеңе үстеме ретінде әсерлі бижутерияны пайдалан.

Тональды негіз жағып, көзіңнің астын жасырушы корректормен сыз.

Қоңыр сұр түсті тендермен үстіңгі қабағыңды боя да, кірпігіңнің астыңғы және үстіңгі жиегін айналдырып қара қарындашпен сыз. Қыл қаламның көмегімен үстіңгі қабағыңдағы түстердің арасын тегісте.

Бетіңнің ұшына аздап бетке арналған далап жақ.

Ерініңді айналдыра сызып, бет бояуыңды ашатындай қылып далап жақ.