Жан Ахмадиев & Ермек Мұқаш – Қанды қаңтар-Қарақалпақстан ТЕКСТ

Сөзі: Жан Ахмадиев
Әні: Паша Ли

Ау, қазағым, бұрынғыдай батырлар жоқ байқадың ба?!
Сол себепті, қазағымның шаңырағы шайқалуда.
Нашарбайдың туыстары тонап кетті түк қалдырмай,
Ойлары жоқ еліміздің бар байлығын қайтаруға.

Қазақпыз ғой қырыламыз қарсы шықсақ билікке,
Осылардың кесірінен отқа жанып, күйдік пе…?
Бұған дәлел қанды қаңтар қазағымның қазасы,
Болды жетер қайғыжұтқан қазағыма шүйлікпе!

Елімізде отыз жыл күннің көзі ашылмады,
Жетеді, қу билік қазағымды басынғаның.
Мақұлық пен керең соқыр ел басқарып талтаңдады,
Байқамай жүрдіңдер ме қазағымның ашынғанын.

Қасыңдамын қазағым әрқашанда қасыңдамын,
Жастарға ашулымын несіне жасырамын.
Біреулер туымызды, мазақтап қорлап жатса,
Жастар болса осылардың концерттеріне асығады!

Қ-сы
Жалған-ай – жылатып, жұбатады,
Арман-ай – аңдамай құлатады.
Тағдыр-ай – талайды жетім қылды,
Өмір-ай – өкпесіз өкіндірді, Өмір-ай!

Кім көрінген қазағымды қанап тонап алдады,
Жауыздар кеп аузымыздан жырып алып жалмады.
Жұрт алаңға шығып еді талап етіп әділдік,
Бұлар болса ОДКБ әскерлерін жалдады.

Тартып алды қалмақ келіп, қазағымның бар бағын,
Құрбан еті бұл надандар әр қазақтың арманын.
Террорист деп атақ алған қасқыр имінез қазағым,
Ашынғаннан көтерілді басқа амалы қалмады.

Ауыр болды қазақ үшін бұл тағдырдың салмағы,
Қайғыжұтқан қазақ елі қу билікті қарғады.
Босатыңдар темір торда жазықсыздан жатқандарды,
Тек қазағым аман болсын, құрып кетсін қалғаны!

Қанды қаңтар қайталанды қарақалпақ елінде,
Болмайды екен ешқашанда қу билікке сенуге.
Қарақалпақ бауырларым қайсарлығын көрсетті,
Ояныңдар, ойланыңдар, кім болса да берілме!