ДОСЫМНЫҢ ТУҒАН КҮНІНЕ

Заңғар таудай тұлғаң асқақ,

Дархан пейіл даламдайсың.

Бәйек болып шыңға бастап,

Досың үшін алаңдайсың.

Жан досымсың қыран текті,

Құтты болсын туған күнің.

Желпіндіріп жыр-ән көкті,

Дуылдатсын думан бүгін.

Өтті талай жыл керуені,

Қуанышты жасырмағын.

Достық сөнбес біздердегі,

Қорғаныңмын -қасыңдамын.

Достығымыз мызғымастан,

Кештік талай сынды бастан.

Айналыпты күдік күлге,

Үміт гүлге бөленіпті.

Тіршілікте күліп бірге,

Шаттық таңын көрейікші!

Бірлігіміз бұзылмастан,

Жүзіңе де келейікші!