Кетпе/Ketpe

Развлекательный портал

ТІЛ-КӨЗДЕН АМАН БОЛСЫН

Барша тойдың басы екен шілдехана,

Басы айналып бақыттан тұр босаға.

Уілдейді бесікте жас шарана,

Шуылыңа тірліктің үн қоса ма?

Жүректерді балқытып қорғасындай,

Сәби келді өмірдің жалғасындай.

Кешірімді ата-ана шалқақтаса,

Шалқып жүрсе шаттықтан жолға сыймай.

Жанарына анасы шашып ұшқын,

Бөбектейді сәбиін асығып тым.

Қуаныштан әкесі шапқылап жүр

Иісіне мас болып жас-иістің.

Демер ертең қолтықтан ұлымыз кеп,

Жатыр қазір жүректен жылу іздеп.

Бала-тірек, бақыты босағаның,

Жарқырасын сөнбейтін күніміз боп.

Не жетеді сәбидің іңгәсіна,

Толысады ақылы, тұлғасы да.

Ат ұстарың тіл көзден аман болсын,

Әлі-ақ өрлеп шығады шың басына!

тилектер,шилдехана,тил козден
0 0 голоса
Рейтинг поста
Поделиться:
Подписаться
Уведомить о
guest
0 Комментарии
Межтекстовые Отзывы
Посмотреть все комментарии